«Գառնի» պատմամշակութային արգելոց-թանգարան

EQUINOX: Electronic & Live Fusion Fest (Summer Chapter 2026)
TM PRODUCTION-ը ներկայացնում է իր նոր բացառիկ երաժշտական նախագծերից մեկը՝ EQUINOX: Electronic & Live Fusion Fest։
EQUINOX-ը մշակութային նոր ֆեստիվալ է, որի նպատակն է կենդանի, էթնիկ երաժշտության և բնական գործիքների հնչողությունը սինթեզել ժամանակակից էլեկտրոնային երաժշտության հետ։ Ֆեստիվալն անցկացվելու է տարվա չորս եղանակներին՝ յուրաքանչյուր անգամ ներկայացնելով Հայաստանի պատմամշակութային բացառիկ վայրերն ու բնության գրկում ստեղծելով կենդանի երաժշտական էներգետիկա։

Ամառային թողարկումը (Summer Chapter 2026) տեղի կունենա օգոստոսի 8-ին՝ Գառնու հեթանոսական տաճարի համալիրի տարածքում։ Մեկ հարթակում կմիավորվեն հայկական ֆոլկի և դասական երաժշտության վիրտուոզներն ու էլեկտրոնային երաժշտության լավագույն արտիստները.
• Ջիվան Գասպարյան կրտսեր (Դուդուկ)
• Արտո Թունչբոյաջյան (Հարվածային գործիքներ և վոկալ)
• Արտյոմ Մանուկյան (Թավջութակ)
• Նիկոլայ Մադոյան (Ջութակ)
• Անահիտ Վարդանյան (Դաշնակահար, պրոդյուսեր, Live Act)
• Հատուկ հյուր (Հունաստան)՝ Echonomist (DJ / Producer)

Հայկական դարավոր երաժշտական գործիք հանդիսացող դուդուկը, Գառնու տաճարի խորհրդավոր մթնոլորտը և էլեկտրոնային ռիթմերի աննախադեպ սինթեզը խոստանում են դառնալ այս ամառվա ամենահիշվող երաժշտական իրադարձություններից մեկը։

Կազմակերպիչ՝ Թի Էմ Փրոդաքշն ՍՊԸ